CAGAYAN DE ORO CITY, Philippines – Gipasigarbo ni Presidente Bongbong Marcos ang dili muminos 700 kadiwa stores sa tibook Pilipinas.
Nunot kini sa iyang pagbisita sa Iloilo City aron panguluhan ang paghatag trabaho sa mga un-employed sa maong probinsya.
Miingon si Marcos nga gawas sa gibuksan nga job fair, mu-instular ang gobyerno sa dugang mga Kadiwa stores sa probinsya, ug gitarget ang 1300 Kadiwa Stores sa dili pa matapos ang iyang termino.
Sulod sa maong mga tindahan ang pinaka barato nga kinilong bugas gikan sa NFA, pinaka baratong mga utanon ug prutas gikan sa mga mag-uuma nga gihatag sa subsidiya sa gobyerno ug uban pang batakang produkto.
Unang gitin-aw sa Department of Social Welfare and Development nga dunay limitasyon sa gidaghanon sa kinilong bugas nga mapalit sa usa ka indibidwal sa matag Kadiwa Stores.
