CAGAYAN DE ORO CITY-Ipadayon karon sa gobierno ug MNLF ang rescue operation sa mga nalukon nga mga sibilyan sa kabalayan diin gibantayan sa mga teroristang Maute sa Marawi City.
Kini human nagpatuman sa upat ka oras nga humanitarian ceasefire ang AFP ug Maute group diin nagresulta sa pagkaluwas sa 134 ka nalukong nga mga sibilyan sulod na sa 12 ka adlaw.
Gibutyag ni Irene Santiago,chairman sa implementing panel for the Bangsamoro Peace Accords nga unta malugwayan ang oras sa ceasefire tali sa duha ka pundok aron daghan pang sibilyan ang ilang makuha.
Malaumon si Santiago nga may mga ipatuman pa nga ceasefire ang duha ka panig aron makuha ang libuan pang sibilyan nga naipit sa kagubot.
