Gikomendar sa 21st City Council ang dakung kalampusan nga nabulsa ni Ruelle Andres Canino sa Batang Pinoy National Championships, nga gipahigayon sa General Santos City, sa miaging semana. Nasakmit sa Cagay-anon player ang bulawang medalya sa Individual Ches events ug kasamtangang mihawid sa titulo nga Woman Fide Master (WFM) sa edad nga 14 anyos. Giubanan si Canino sa iyang coach nga si Brgy 23 Kapitan Jaime Frias II. Ang resolusyon gimugna ni Kagawad Gigi Go, ug ang financial commendation gikan sa personal nga bulsa ni Konsehal Yvy Emano.
Sila SK Federation President John Sacala ug Konsehal Gigi Go.
Dugtong niini, nangunay usab si Konsehal Eric Salcedo sa pag-awhag sa tanan miyembro sa konseho nga hatagan sa dugang pahalipay ang chess champion pinaagi sa tag 1000 pesos kada konsehal.
Hisayran nga gawas sa pag-ila, gibana-bana usab nga nakadawat ang Cagay-anon Athlete sa dul-an 20 mil pesos kinatibuk-ang cash incentive.
