CAGAYAN DE ORO CITY – Luwas na ang 14 anyos nga bata nga naigo sa bala sa armas nga kalit mibuto gikan sa pikas balay Barangay Kimaya,Jasaan,Misamis Oriental.
Sugilon sa imbestigasyon sa kapolisan nga natulog lang ang bata nga si alyas Boy Inosente dihang gipukaw kini tungod sa mitugpa nga bala sa armas nga gihinambog sa lalaki ngadto sa iyang paryente samtang nag-estorya sila sulod sa kusina.
Sa ilang kakurat disgrasyang mibuto ang dili tino nga armas ug milahos ang bala sa bungbong sa puy-anan ug mitugpa sa gikatulgan sa bata.
Gihimuan pa sa dugang imbestigasyon sa kapolisan ang panghitabo ilabina kon ang armas nagbaton ba sa legal nga mga papeles.
