CAGAYAN DE ORO CITY – Mihuyang pa ang kalihukang armadong Communist Party of the Philippines- New People’s Army nga nakabase sa Bukidnon.
Kini human mitahan ang 14 ka sakop sa mga rebelde nga gilangkuban sa duha ka headquarters loaders,unom ka Malisyang Bayan ug laing unom ka DGF53 members sa Purok 10,South Población,Maramag,Bukidnon.
Miingon si Police Regional Office 10 Director Brig Gen Jaysen De Guzman nga napasayon ang pagtahan sa maong mga rebelde tungod sa hiniusang paningkamot sa Bukidnon 2nd Provincial Mobile Force Company, 48th Infantry Battalion, Quezon Municipal Police Station, Damulog Municipal Police Station,Kabawe Municipal Police Station ubos sa pagtimon sa ilang commanding officers.
Dala sa pagtahan sa mga rebelde ang nagkadaiyang klase sa kagamitan sa giyera nga naglakip sa mga bomba,hand grenades,rifle grenade,tag-duha ka shotguns,magazines ug 12G ammunition.
Siya miingon nga ang maong lakang epekto usab sa tinguha sa PNP ug Armadong Kusog sa Nasud nga pagkab-ot sa kahusay’g kalinaw aron mahugno na ang insurhensiya sa NorMin region.
