Gikumpirma ni Office of Civil Defense sa Region 10 Director Antonio Sugarol, nga mikabat na sa 685 ka pamilya o 1,728 ka mga indibidwal ang kasamtangang anaa sa mga evacuation center sa Bukidnon.
Gumikan kini sa sunod-sunod nga pagbaha sa 14 ka barangay sa lugar nga nasinati tungod sa gipakusog nga epekto sa habagat o southwest monsoon.
Dugang pa sa mga baha, natala usab ang lima ka mga landslide incidents, lakip na ang pipila ka mga kaso sa rockfall ug natumba nga mga kahoy sa Malaybalay ug Valencia City.
Bisan pa sa maong mga katalagman, padayon ang hugot nga pag-monitor sa ilang buhatan sa sitwasyon aron pagseguro nga mahatagan og tukmang tabang ang tanang apektadong residente.
