CAGAYAN DE ORO CITY – Mohimo’g ubay-ubay’ng aktibidad ang 14 ka international beauty delegates sa Ms Earth 2019 ning syudad ug lalawigan sunod semana.
Kini alayon sa ilang pagtubag sa imbitasyon sa provincial tourism department nga bisitahon ang pipila ka bahin sa Misamis Oriental alayon sa ilang adbokasiya isip Ms Earth 2019 candidates.
Miingon si Ms Earth Philipppines Air Ana Monica Tan nga motambong una sa flag raising ang maong beauty queens sa adlaw’ng Lunes ayha sila ipaatubang sa prensa alang sa usa ka prescon.
Isundayag usab sa maong mga kandidata ang ilang tagsa-tagsa ka kaugalingon sa usa ka mini-fashion show sa usa ka mall sa pagka-hapon sa adlaw’ng Lunes.
Dugang ni Tan nga mohimo usab sila’g mangrove tree planting sa Tubajon Aqua Marine Park sa Laguindingan sa petsa 8 ug pagsuroy sa Initao-Libertad Protected Seascape and Landscape ning lalawigan ayha mobalik sa kauluhan.
Kabahin sa mga kandidata nga moabot sa syudad alang sa maong kalihukan ang gikan sa Austria,Italy,Croatia,Malta,Puerto Rico,Brazil,Paraguay,Kenya,Reunion Island,China,Tonga,India,Liberia ug Vietnam.
