CAGAYAN DE ORO CITY – Nagsaka pa ang ihap sa mga tawong namatay sa sakit nga dengue sa Iligan City.
Kini human natala ang 854 ka kaso diin 14 niini ang kumpirmadong namatay sugod sa Enero hangtod Agosto ning tuiga.
Gibutyag ni Iligan City information officer John Pantoja nga gihulatan nila ang rekomendasyon gikan sa Dept of Health kon angay na ba ipaubos sa state of calamity ang Iligan City.
Nasayran nga sa 15-mil 095 ka kaso sa dengue sa rehiyon gikan Enero ngadto Agosto ning tuiga,nag-una ang Lanao del Norte nga naglakip sa Iligan City nga may labing daghang tawo nga namatay gumikan sa maong balatian.
