Misaka pa sa 14 katao ang napatay ug lima ang nasamdan tungod sa Israeli airstrikes sa habagatan ug sidlakan nga bahin sa Lebanon ning adlawng Martes.
Sa habagatan, gipang-bomba sa Israeli warplanes ang daghang lugar, lakip ang Adloun diin tulo ang napatay, duha sa Arab Salim, usa sa Shabriha, ug duha pa sa drone strike duol sa Nabatieh.
Sa Bint Jbeil district, tulo ang napatay sa usa ka pre-dawn strike. Sa sidlakan, tulo ka membro sa usa ka pamilya ang napatay ug usa ang nasamdan sa Sohmor, samtang kapin sa napulo ka balay ang nadaot. Sa Housh, duol sa Tyre, residential buildings ug mga tindahan ang nadaot sa laing airstrike.
Padayon ang cross-border fighting sukad Marso 2, human mosugod ang Hezbollah og rocket attacks batok Israel nga nagpalala sa mga airstrikes.
