CAGAYAN DE ORO CITY-Gihataga’g pasidungog ni Pres Rodrigo Duterte ang 14 ka sundalo ug pipila ka sibilyan nga kabahin sa samaron samtang nakig-engkuwentro batok sa rebeldeng New People’s Army o NPA ubos sa 4th ID,Philippine Army.
Kini human hilom nga gibisita ni Duterte ang mga samarong sundalo sa Camp Evangelista Station Hospital aron ipaabot ang iyang pag-simpatiya niini.
Miingon si 4th ID spokesperson 1Lt Tere Ingente nga giawhag ni Duterte ang mga sundalo nga dili magmaluya sa pagtuman sa tahas kay kanunay kini nga magpaluyo kanila.
Si Duterte ang makadaghan nang higayon nga nakadalikyat sa 4th ID aron duawon ang mga sundalo nga samaron gikan sa engkuwentro batok mga kaaway sa estado.
