Gi-kumpirmar ni Independent Commission for Infrastructure (ICI) Chairman Andres Reyes Jr. nga kasamtangan siyang nagahimo og 140-day supplemental report human sa pag-sumiter sa unang accomplishment report.
Ang bag-ong report, gilauman nga maglakip sa dugang nga rekomendasyon ug mas lawom nga ebidensya kabahin sa mga anomalya sa flood control projects.
Sumala ni Reyes, sa bag-ong report aduna silay dugang ipasa nga mga pangalan sa opisyales ngadto sa Office of the Ombudsman alang sa posibleng ipasaka nga kaso, lakip na ang tulo ka senador nga nadugang sa listahan sa mga giimbestigahan.
Ang report magtutok sa mga “ghost projects” diin milyones ang gibayad sa Department of Public Works and Highways (DPWH) sa mga kontraktor alang sa mga proyektong wala gyud natukod.-(Phillip Ariata)
