Misaka pa sa kapin 1,400 ka tawo ang patay tungod sa sagunson nga linog sa Habagatan-Sidlakang bahin sa Afghanistan.
Subay sa report, subli mitay-og ang 5.5 magnitude nga linog, ning adlawa, ug kapin gatus ang nadugang nga patay human nadatugan sa dagkung tipaka sa bato dihang mahitabo ang pagdahili sa yuta sa kabukiran.
Ang bag-ong linog maoy mipasamot sa kahadlok ug kabalaka sa mga residente sa maong lugar kay ang lapad nga ihap sa mga residente sa probinsya sa Kunar ug Nangarhar, wala nay balikan nga mga balay.
