CAGAYAN DE ORO CITY – Gikompirmar ni City epediomologist Dr Jose Retuya nga misaka pa sa 147 ka empleyado sa city hall ang natakdan sa COVID-19 dinhi sa syudad.
Kini bisan kon giunsa pag-amping sa mga trabahante ang ilang panglawas batok sa bayrus.
Gibutyag ni Retuya nga sa maong ihap,123 na usab ang naka-rekober ug nakabalik na sa ilang trabaho.
Pabiling gihatagan usab sa pag-atiman ang 24 pa ka empleyado nga napahimutang sa nagkadaiyang city isolation unit sa dakbayan.
Hisayrang walay hunong ang pasidaan sa city government sa publiko nga unta minusan ang paglakaw-lakaw ug pagtapok-tapok aron minusan ang pagtinakdanay sa bayrus.
