Dul-an 150 ka nasud ang mipabor sa UN Security Council Resolution 2735 nga naghangyo sa hinanali, walay kondisyon, ug permanente nga ceasefire sulod sa Gaza Strip.
Kagabie, oras dinhi sa Pilipinas, ang UN General Assembly mipasa sa maong resolusyon kundiin 149 ka boto ang pabor, 12 ang misupak , ug 19 ang nag abstain.
Usa ang nasud sa Pilipinas sa mipirma sa pag-uyon, kundiin, mitinguha usab si Presidente Ferdinand Marcos sa kalinaw sa kapinduha ka tuig nga gubat sa maong lugar.
Sa gipahigayon nga sesyon, namahayag si Philémon Yang, Presidente sa UN General Assembly (UNGA) nga kinahanglan matuldukan na ang lapad nga kahadlok sa tibook Gaza ug iyang gihulagway ang kasamtangang sitwasyon isip, dili maki-angayon, human daghang ihap sa mga bata ang namatay gumikan sa kagubot ug pagka-ipit sa crossfire tali sa Hamas Militants ug Israeli Defense Force.
Una niini, ang Estadus Unidos ug Israel ang misupak sa bag-ong resolusyon nga gipagula sa UNGA
