Nanawagan si Presidente Ferdinand Marcos Jr sa mas lig-on nga multilateral cooperation ug interdependence tali sa mga nasud sa Asia.
Sa gilusad nga 14th Asian Business Summit, gihisgutan sa presidente ang kasamtangang sitwasyon sa kalibutan nga nag-atubang sa mga dagkung hagit sama sa climate change, geopolitical tensions, ug kahuyang sa global supply chains.
Tungod niini, namugos ang presidente nga kinahanglan nga magtinabangay ang mga nasud sa Asya aron masiguro ang kalig-on ug kalamboan.
Lakip sa iyang gipasiugda ang plano sa Pilipinas nga mudani sa daghang pamuhunan sa clean energy ug modernong industriya, nga maghatag sa kalidad nga trabaho sama sa pagtukod sa mga digitalized hubs ug pabrika nga magamit ang renewable energy.
Una niini, init nga gisugat sa Malakanyang ang mga miyembro sa Philippines-Japan Economic Cooperation Committee (PHILJEC) ug sa mga delegado sa summit.
