CAGAYAN DE ORO CITY – Gipangita na sa intelligence operatives sa kapolisan ang 15 anyos nga gitudlong suspek pagpusil sa gikabangi niining ulitawo gamit ang kalibre 38 nga armas sa Acacia Extension,Brgy Carmen ning syudad.
Kini human paspas nakasibat dihang milusad sa pagresponde ang tropa ni Carmen Police Station commander Major Mario Mantala Jr sa hitabo.
Hinoon,nadakpan ang tulo sa mga kauban sa suspek ug apil manubag sa gidangtan sa 18 anyos nga biktima sa pagpamusil.
Sa inisyal nga imbestigasyon,nagkabikil ang grupo sa mga suspek ug ang biktima apan wala damha nga dunay kargada nga armas rason sa hitabo.
Dili hinoon peligro ang kahimtang sa biktima sa pagpamusil apan nanganti nga mangayo’g hustisya sa iyang gidangatan sa maong lugar.
