CAGAYAN DE ORO CITY – Dili mominus sa 15 ka balay ang naugdaw sa sunog nga mi-ulbo sa Brgy. 35 ning syudad. Gibutyag ni Brgy. 35 Chairman Jose Ligtas nga subay sa iyang inisyal nga pakisusi nagsugod ang kalayo sa panimalay ni Renerio Sacabin.
Apan miingon si Kap. Ligtas nga gisuta pa sa fire investigator kon unsay hinungdan sa sunog ingon man ang damyos niini.
Gipahimutang ni Ligtas sa ilang basketball court ang mga apektadong pamilya aron sayon ang pagtunol kanila sa hinabang.
Sa laing impormasyon,giingong nagsugod ang unang pagsilaab sa kalayo sa balay ni Lea Hortillano.
Sa miaging mga semana,nasunog usab ang kabalayan sa Brgy Puerto ug Brgy Tablon diin daghang mga pamilya ang apektado samtang minilyong balor sa damyos ang natala.
