CAGAYAN DE ORO CITY – Naugdaw ang kinse ka balay sa dakong sunog sa Riverside,Purok 5,Brgy Tablon sa syudad kaganihang buntag.
Gibutyag ni BFP Tablon Sub- Fire Station commander SFO2 Flaviano Ente nga nagsumikad ang sunog sa balay ni Alma Remeliete.
Gawas niini, lakip sa maong nasunugan si Jenny 25 anyos nga nagrenta lamang sa nasangpit nga lugar.Miingon si Jenny nga giisip niya ikatulong kinabuhi nunot sa pagkaluwas sa maong sunog.
Emosyanal ug traumatic pa kini sa maong panhitabo.
Samtang mitala sa 350-mil ang damyos sa sunog natigayon sa Purok 5 Barangay Tablon ning dakbayan.Gibutyag ni Ente nga mihimo pa sila sa dugang imbestigasyon sa maong hitabo.
Samtang gikasubo ni Tablon Brgy Kapitan Billy Kid Auza nga naigo sa sunog ang ilang brgy kaganihang buntag.
Miingon si Auza nga anaa sa 15 ka inisyal nga kabalayan ang nasunog.
Hinoon,walay nakalas na kinabuhi sa natigayong sunog apan dunay nakaangkon sa minor injury ug gidala na sa ospital.
Samtang, padayon pa ang imbistigasyon sa Bureau of Fire Protection sa hinungdan sa pag-ulbo sa maong sunog.
Dugtong niini,nanawagan si Auza sa buot muhatag tabang sa mga naapektuhan sa sunog sa Purok 5 sa ilang lugar.
Kini tungod kay kasamtangan sila nagpasilong mini gym sa maong lugar.
Gani,gitahasan ni Auza ang ilang brgy health workers pag-atiman s mga biktima sa sunog.
Gibutyag ni BHW Juvy Galvez nga 22 ka pamilya ang nawad-an ug panimalay sa nasangpit nga lugar.
Hisayran, nagpadayon pa ang pagpanglista sa BHW ug DayCare Teachers alang sa pag tabang sa mga apektado sa maong sunog.
