CAGAYAN DE ORO CITY-Nawad-an sa 12 ka pinuy-anan ang 15 ka pamilya nga anaa sa Brgy 3, Balingasag, Misamis Oriental kaganihang buntag.
Kini human kalit misila ang linya sa koryente gikan sa poste diin gilayong mihimo’g kalayo sa pinuy-anan ni Susan Rondina.
Miingon si Rondina nga kamulo kining pamaligya sa mga isda sa merkado dihang nadungog sa Bombo Radyo nga nasunog na ang iyang pinuy-anan.
Giangkon usab ni Rondina nga nalakip kasunog ang tinigom niini nga dul-ag milyong salapi nga iyang gibutang sa ilang cabinet sulod sa kuwarto.
Adunay usay duha ka residente ang naangol atol na sa hitabo.
Miingon si BFP-Balingasag sub-station investigator Fire Officer 3 Glenn Gentillan nga walo sa dose ka pinuy-anan ang totally damage gumikan sa maong sunog.
Natala ang inisyal nga usa ka milyon ka pesos nga damyos sa maong sunog.
Hinoon, giklaro ni Gentillan nga dili grabe ang pagkaangol sa maong wala na panganli nga mga residente sa sunog kaganihang buntag.
