(Update)CAGAYAN DE ORO CITY – Nakasuhan na sa kasupakan sa Philippine Mining Act of 1995 ang 15 ka suspected illegal miners nga nadakpan sa magkalahing operasyon sa kapolisan ug task force sa lungsod sa Opol ug Manticao,Misamis Oriental.
Miingon si Police Regional Office 10 spokesperson Major Joann Navarro nga nagsumikad ang pagkaso sa mga dinakpan tungod sa akto nila pagkasapon sa illegal mining activities sa upat ka lokasyon sa maong mga lungsod.
Siya miingon nga gawas sa mga nadakpan,nabawian usab sa illegal mining paraphernalia ug mismong mga mineral nga nakalot sa gipangkalot nga kayutaan.
Nasuta nga naggikan pa sa Davao de Oro,Iligan City ug Misamis Oriental ang maong mga minero nga gi-hire sa illegal nga kalihukan.
