CAGAYAN DE ORO CITY – Kinse ka new arrivals ang nadugang sa tawong gipaubos sa strict monitoring sa City Health Office ning syudad.Kini human may grupo nga namalik sa syudad gikan abroad, Metro Manila ug nagkadaiyang bahin sa Mindanao.
Namahayag si City Health Office Officer In Charge Dra Lorraine Nery nga gipaubos na sila sa City Isolation Units o CIUs ug home quarantine.
Sa pagkakaron, 165 ka tawo ang gipaubos sa on going quarantine ug 23 ang mag-due o mamauli na sa ilang mga balay tungod kay nahuman na nila ang ilang 14 days quarantine.
Namugos si Nery nga kini 23 ka tawo, hatagan nila sa City Health Certificates tungod kay wala sila nakitaan sa sintomas sa COVID-19 sulod sa 14 dias nga monitoring.
