Misaka pa sa 15 ka tawo ang patay sa grabeng pagbaha sa Portugal.
Subay sa report, miigo pag-ayo sa mga rural nga lugar sa amihanang bahin sa nasud ang kusog nga mga pag-ulan dala sa managsunod nga bagyo.
Tungod sa sobra nga tubig, nahimong delikado ang mga pader nga naglibot sa karaang siyudad sa Coimbra. Hinoon, paspas nga miresponde ang mga awtoridad sa mga residente nga nakasinati sa pagbaha.
Sa miaging adlaw, misaka pa sa 3000 ka residente ang pugsanong gipabakwit duol sa mga dam aron malikayan ang dakong kadaot.
Hisayran nga kapin libo ka puy-anan ug mga kaumahan ang naapektuhan sa kalamidad.
