CAGAYAN DE ORO CITY – Nakauli na sa ilang mga pinuy-anan ang 15 ka tawo nga nakasinati sa pagsuka-suka ug paglain sa ginhawa tungod sa pagtambong sa birthday sa Barangay Puntasilong,Mantiao,Misamis Oriental.
Kini human unang nangaon ang mga biktima sa chocolate cake,bam-i ug ice crame nga gidalit sa pamilyang Cesmar sa maong lungsod.
Miingon si Misamis Oriental Provincial Disaster Risk Reduction and Management Office head Fernando Dy Jr nga unang gisulod sa refrigerator sa pamilya ang maong mga pagkaon ayha hingpitt gipanghatag sa mga bisita sa miaging Lunes sa hapon.
Apan kalit nagsakit ang mga tiyan sa mga bisita nga gilakipan sa 3 anyos nga biktima hinungdan gipangdala sa provincial hospital.
Nasuta nga ‘amoebiasis’ ang nasinatian sa mga biktima.
