CAGAYAN DE ORO CITY – Kasuhan sa pagsupak sa Philippine Mining Act (PMA) ang 15 ka suspected local miners nga nadakpan sa kapolisan ug task force nga illegal nagmina sa bukirang bahin sa Opol ug Manticao,Misamis Oriental.
Gibutyag ni Police Regional Office 10 spokesperson Major Joann Navarro nga nakompiskar gikan sa mga dinakpan ang minerals ug kagamitan sa pag-mina.
Siya miingon nga kabahin kini sa hugot nga kampanya sa gobierno nga masumpo na ang mga kalihukang iligal sa kabukiran pinaagi sa pag-mina-mina.
Pipila sa mga dinakpan ang gikan pa sa Davao de Oro ug Iligan City diin nabawian sa sobra 2 milyones pesos nga kabtangan sa iligal mining.
Samtang gihagit ni CLENRO manager Engr Armen Cuenca ang mga hingtungdang ahensiya nga palawman ang imbestigasyon kabahin sa nadakpan nga suspected illegal miners sa bukiran sa Opol,Misamis Oriental.
Kini aron mailhan ang financiers ug mga protector sa mga dinakpan sa pagkalut-kalot sa bukid nga wala gitugot sa balaod.
Siya miingon nga dili imposible nga ang mga dinakpan ang susamang responsabli sa illegal mining activities sa hinterland brgys sa syudad nga paspas makasibat sa matag-lusad nila sa operasyon.
