MANILA – Magpadala ang gobyerno sa Vietnam sa mukabat 150,000 doses sa bakuna nga mu-alkontra sa African Swine Fever.
Apan gitin-aw sa Department of Agriculture nga kini nga mga bakuna wala pa maaprubahi nga gamiton sa uban nasud.
Hinoon gihupay sa DA ug Department of Health ang kabalaka sa publiko nga ang ASF dili makatakod sa tawo, apan ang tawo mismo ng carrier sa bayrus gikan sa infected nga baboy.
Ang ASF labihan ka mananakod ug daling makapatay sa mga baboy.
Lakip nga mulangkob sa shipment ang gipalambo nga bakuna nga giila isip AVAC Vietnam.
Tipik kini sa 600,000 doses nga gi order sa DA, sumala ni Nguyen Van Diep, ang direktor sa kompanya.
Sa pagkutlo ning balita duna nay duha ka approved ASF vaccines ang gigamit sa Vietnam for domestic use sukad Hulyo 2023.
Dinhi sa Pilipinas misaka pa sa 458 ka barangay ang dunay aktibong kaso sa ASF, itandi sa 202 sa susamang period sa tuig 2023.(Bombo Anne Quileste).
