Kapin 150,000 ka tawo na ang nahatagan sa tsansa nga makaduol sa lawas ni Pope Francis, nga nakahigda sa kahoy nga lungon sulod sa St. Peter’s Basilica sa Vatican City.
Namahayag si Fr. Earl Valdez gikan sa Pontifical Gregorian University, ug Bombo International News Correspondent sa Vatican City nga adunay kabag-uhan gikan sa tradisyonal nga klase sa paglubong sa santo papa, segun sa iyang hangyo.
Usa niini ang pagbuak sa kapin siglo nga tradisyon nga ilubong siya sa gawas sa Vatican City, kay gusto niya mabulong sa Basilica of Santa Maria Maggiore sa Roma, inay sa tradisyonal nga lubnganan sa Vatican Grottoes.
Ikaduha, ang iyang lungon dili triple-layered sama sa kasagaran nga papal burial, nga naglakip sa cypress, lead, ug oak. Subay sa iyang hangyo, mas gisimplihan ang iyang lungon ug gipili niya ang kahoy nga casket.
Ikatolo, wala siya magpahimutang sa catafalque alang sa publiko nga maghatag sa ilang kataposang pasidungog. Inay, ang iyang lawas nagpabilin sa lungon nga bukas.
Kini nagpasabot nga mas gusto niya nga personal ug dool kining makita sa mga tawong nagbangutan kaniya.
Nakadami usab ang iyang pagpili sa lubnganan sa iyang walay kinutubang debosyon kang Birhen Maria, ug ang inskripsyon sa iyang lapida iyang pamarkaha’g Franciscus nga walay dekorasyon sa titulo.
Sa pagka-alas 8 sa gabie sa mismong lubnganan sa Santo Papa, sirhan kini sa publiko alang sa pribado ug ulahing pagbisita sa pamilya ug mga kaubang pari sa Vaticano
