Pugsanong napabakwit ang kapin 154,000 ka tawo sa kalit ug lapad nga pagbaha sa rehiyon sa Kenitra ug ang lungsod sa Ksar El Kebir sa probinsya sa Larache sa Morocco.
Segun sa Interior Ministry, taas ang risgo sa pagkalumos ug pagkabanlas sa mga puy-anan kung dili mubakwit ang mga resident sa agi-anana sa bagyo.
Hisayran nga human sa pagbubo sa kusog nga ulan daghang kaumahan nasapawan sa tubig baha ug nahimong tubigon ang ilang kadalanan.
Nagdeploy na sa kasundalohan ang ilang gobyerno aron mutabang sa pagluwas ug paghatag sa temporaryong pinuy-anan sa mga biktima.
Ang maong baha nahitabo human sa pito ka tuig nga hulaw nga gisagubang sa Morocco.
Sa pagkutlo ning balita, 4 na ka tawo ang namatay sa kalamidad
