Giabog sa Taiwan Coast Guard ang 16 ka barko sa China nga gilangkoban sa mga coast guard, research ug fishing vessels human malambigit sa dungan nga maritime harrasment.
Basi sa pahayag sa Taiwan, nahitabo ang maong koordinadong operasyon sa mga sakayang pandagat sa China sa palibot sa ilang nag-unang isla ug sa Disputed Pratas Island.
Gitawag sa katiguman sa Taiwan ang gibuhat nga aksyon sa China isip usa ka matang sa “hybrid warfare” nga nagtinguha nga bag-ohon ang status quo ug maghatag og sayop nga impresyon sa hurisdiksyon sa Taiwan Strait.
Tungod sa maong panghitabo, diha-diha dayong naghimog aksyon ang mga patrol vessel sa taiwan aron epektibong babagan ug ipapahawa ang mga barko nga nisulod sa ilang restricted waters. (raniel mahunyag)
