16 ka opisyal sa DPWH suspendido sulod sa 6 ka bulan tungod sa kontrobersyal nga flood control projects nga giingong puno sa anomalya ug ghost contracts.
Ang suspensyon resulta sa imbestigasyon sa Office of the Ombudsman ug sa Senate Blue Ribbon Committee, nga nakadiskubre sa mga kalapasan sa procurement process ug pag-award sa mga proyekto nga walay klarong implementasyon.
Ang mga opisyal nga naapektuhan naglakip sa mga district engineers, assistant regional directors, ug mga miyembro sa Bids and Awards Committee nga giakusahan sa pag-apruba sa mga kontrata bisan pa sa kakulang sa dokumento ug performance sa mga kontraktor.
Usa sa mga gi-highlight nga kaso mao ang pag-award sa proyekto sa Alpha & Omega Gen. Contractor nga giangkon sa magtiayong Discaya, nga karon nag-apply isip state witness.
Ang suspensyon gitumong aron mapugngan ang dugang nga kalapasan samtang nagpadayon ang imbestigasyon.
Ang bag-ong DPWH Secretary nga si Vince Dizon mipahibalo nga i-rebisa ang blacklisting policy sa ahensya aron mahimong permanente ang silot sa mga kontraktor ug opisyal nga malambigit sa korapsyon.
Lakip sa mga suspendido sila:
- John Michael Ramos
- Ernesto Galang
- Lorenzo Pagtalunan
- Norberto Santos
- Jaime Hernandez
- Floralyn Simbulan
- Roberto Roque
- Benedict Matawaran
- Christina Mae Pineda
- Jayson Paul Duya
- Merge Jaron Laus
- Lemuel Roque
- Arjay Domasig
- John Carlo Rivera
- John Benex Francisco
- Jolo Mari Tayao
