CAGAYAN DE ORO CITY-Gibaharan ni PNP regional director C/Supt Agripino Javier nga dugang police station commanders pa ang wad-an sa ilang puwesto ug i-destino sa laing lugar dinhi sa rehiyon 10.
Kini kon makita nga inotil pagsulbad sa pagtuman sa PNP Double Barrel Alpha Reloaded diin nagsentro pagbungkag sa naghitak nga ilegal nga droga ug pagdakop sa nagpayuhot niini.
Matud ni PNP regional spokesperson Supt Lemuel Gonda nga gihimo ni Javier ang panganti human dul-ag 20 ka police station commanders sa rehiyon ang gipanglangkat sa ilang mga puwesto ning semanaha.
Gipaniguro ni Gonda nga wala’y gikan sa Cagayan de Oro City Police Office o COCPO nga station  commanders nga nalangkat sa puwesto.
Una niini,gidayeg ni Javier ang kapolisan sa rehiyon tungod sa pagkabawi sa balor P3.3 milyon nga shabu gikan sa gatusang drug pushers ug users sulod lamang sa miaging 18 ka adlaw.
