CAGAYAN DE ORO CITY – Nasapon ang 16 ka operators sa poultry farms nga wala mosunod sa balaod sa pag-protehir sa kinaiyahan rason nga dili kapugngan ang pagdagsa sa mga langaw gikan sa Baungon,Bukidnon padulong sa pipila ka brgy dinhi sa dakbayan.
Kini human ipatawag ni Baungon Mayor Rogelio Jaraula ang 17 ka poultry operators nga nag-lihok sa iyang lungsod.
Miingon si Jaraula nga tuyo niini nga makontrolar ang pagkaylap sa mga langaw nga nakahatag sa dakong perhisyo sa mga residente dinhi sa dakbayan.
Mitambong usab sa katiguman si Kag Roger Abaday aron obserbahan ang mga sulbad nga ilang ipatuman batok sa mga langaw.
Samtang gisugyot ni kanhi city councior Engr Edna ‘Inday’ Dahino sa city council nga susihon usab ang mga langaw nga nagyampungan sa landfill area sa Brgy Pagalungan ning syudad.
Kini maoy usa sa nakita sa kanhi opisyal kon nganong midagsa ang mga langaw sa pipila ka brgy sa dakbayan.
Gihimo ni Dahino ang pag-depensa kay kabahin kini sa nag-operate sa poultry farm nga nakabase sa lungsod sa Baungon,Bukindon.
