CAGAYAN DE ORO CITY-Nasikop sa sunod-sunod nga search operations sa PDEA-10 ang duha sa tulo ka high value target personalities nga giingong utok pagbaligya’g gidiling droga sa Zone 3,Sitio San Lazaro,Brgy Lapasan sa syudad.
Giila ni PDEA regional director Wilkins Villanueva ang mga dinakpan nga sila si Ruel Daguplo ug Kenneth Sazon samtang nakaikyas si Jeffrey Concepcion sa gihimong buy bust operation sa maong lugar kagabii.
Miingon si Villanueva nga dugay nang naglihok ang grupo rason mismo ang PDEA na ang mihimo’g aksyon.
Nakompiskar sa maong operasyon ang 35 gramos nga suspected shabu diin nagbalor 338-mil pesos.
Gidala usab sa PDEA ang 14 ka laing kalalakihan nga nasapon sulod sa mga balay sa mga suspek aron ipaubos sa drugtest.
Samtang gihagit ni Villanueva si Ogsimer nga ipakusog pa ang drug clearing operations batok sa pipila ka residente nagpayuhot sa ilegal nga droga.
Dismayado si Villanueva tungod sa huyang nga kampanya kontra illegal nga droga sa maong lugar diin ikaduha sa labing dako nga brgy sa syudad.
Miingon si Villanueva nga sulod ning tuiga,lima ka drug surrenderees lamang ang naka-graduate sa anti-illegal drug rehab program rason nga nangunay na sila pagsulod aron dakpon sila Daguplo ug Sazon subay sa reklamo sa katawhan sa maong lugar.
Samtang gipanghimakak sa usa sa mga dinakpan nga si Sazon nga gipanag-iyahan niya ang sachets sa suspectedshabu nga nabawi sa PDEA operatives sulod sa usa panimalay sa Zone 3, San Lazaro Brgy Lapasan ning syudad
.Si Sazon miingon nga nahibulong siya kon nganong pugsanon siyang gipasulod sa balay sa iyang inahan sa mga operatiba.
Gibutyag niini nga wala siya sukad namaligya sa droga apan miangkon nga kanhi siya drug user.
Masaligon si Sazon nga mag-negatibo siya sa drug test batok kaniya.
