CAGAYAN DE ORO CITY – Luwas ra nga nakanaug ang 161 ka pasahero nga sakay sa Philippine Airlines flight PR2889 nga nakitugpa sa Ozamiz City Airport sa Misamis Occidental kaganihang buntag.
Kini human nagka-aberya ang eroplano pagtugpa sa airport kay kalit mihunong sa runway ug nawad-an na sa kontrol ang landing gear niini.
Gikompirmar sa Civil Aviation Authority of the Philippines o CAAP ug PAL nga nahiagom sa technical issue ang eroplano rason nga gihimuan pa sa lawom nga imbestigasyon.
Hinoon,pulos nakanaug ang mga pasahero gikan sa maong eroplano ug nahupay ra ang gibating kahadlok niini nunot sa aberya.
Gilayong nakig-koordinar na usab ang tigdumala sa PAL ngadto sa mga apektadong pasahero alang sa flight rebooking ug pagtunol sa pag-abag ngadto kanila.
