CAGAYAN DE ORO CITY – Nakabalik na sa ilang tagsa-tagsa ka mga panimalay ang 600 ka residente kon 164 ka pamilya nga gikilkilan sa mga rebeldeng New Peoples Army sa Brgy Sinanglanan, Malaybalay City, Bukidnon.
Miingon si 403rd IB,Philippine Army commander Col Ferdinand Barandon nga gitabangan sa lokal nga kagamhanan ug Department of Social Welfare and Development nga makabalik sa ilang panimalay ang mga apektadong pamilya.
Una nang gisudlan sa 20 ka miembro sa rebeldeng NPA ang Sitio San Roque ug Sitio Sta Rita sa Sinanglanan diin gipugos ang mga molupyo nga moapil sa ilang hugpong.
Gani,gikilkilan sa tig-P5.00 ingon man gipangayoan sila’g bugas hinungdan sa ilang paghikling.
