CAGAYAN DE ORO CITY, Philippines – Gimando ni Presidente Ferdinand Marcos Jr., nga pahimuslan ang mga choppers sa Armed Forces of the Philippines (AFP) alang sa dinaliang rescue operations sa mga pamilyang ma trap sa grabeng pagbaha nga dala sa Bagyong Kristine.
Sa gilsuad nga command conference sa National Disaster Risk Reduction and Management Council (NDRRMC), sa ilang Headquarters sa Camp Emilio Aguinaldo, Quezon City, hugot nga nagpadumdum si Marcos sa pag-aktibo sa tanan hingtundang ahensya aron maminusan ang ihap sa mga tawong mamatay o samaran human sa bagyo.
Mi-apelar usab ang presidente sa mga namuyo sa Region 5 ug tanan agian sa mata sa bagyo nga mupatuman sa pre-emptive evacuation tungod kay daghang ulan ang dala sa Bagyong Kristine busa daan nang gilaum ang lahos-sa-atop nga mga pagbaha sa Bicol Region.
Sa pagkakaron, ang mata sa bagyo atua na sa Central ug Northern Luzon.
Sa adlaw’ng Sabado lauman nga makagawas kini sa Philippine Area of Responsibility kung dili mabag-o ang iyang direksyon.
