CAGAYAN DE ORO CITY -Dili na undangan sa DPWH ang pag-blacklist sa mga kuwestiyonabli nga construction companies nga walay maayong record sa mga trabaho nga gipanag-iya sa kagamhanan sa nasud.
Kini human anaa sa 17 na ka contractors ang gipaubos sa blacklist gumikan sa dili maayong construction performance ilabina sa Mindanao.
Gihimo ni DPWH Sec Mark Villar ang pahayag dungan sa pagsubo sa balor 778 million pesos nga pondo sa katukuran sa flood protection dike sa Sihayon,Brgy Sta Cruz,Tagoloan,Misamis Oriental kagahapong adlawa.
Miingon si Villar nga tuyo niini nga makibhangan ang damyos nga epekto sa pagbaha sa maong lungsod ug ubang bahin sa lalawigan.
Ang river basin flood control project sa lalawigan ang usa ka flood risk management projects nga giponduhan sa Japan International Cooperation Agency o JICA ubos sa build-build-build program ni Pres Rodrigo Duterte.
