CAGAYAN DE ORO CITY – Misaka na sa 17 ka mga indibidwal ang nadakpan sa vote buying sa tibook rehiyon-10.
Kini ang kumpirmasyon ni Police Regional Office (PRO)-10 spokesperson Lt.Col. Surki Sereñas sa pakighinabi sa Bombo Radyo.
Si Sereñas miingon nga pulos na nakasuhan sa korte ang mga suspek diin duha (2) kanila ang naggikan sa Bukidnon; lima (5) sa Lanao del Norte; duha (2) sa Misamis Occidental; ug pito (7) sa Iligan City.
Kinatibuk-ang P1,125,418 ang narekober nga salapi sa mga pulis gikan sa mga suspetsado.
