CAGAYAN DE ORO CITY – Walay community transmission sa COVID-19 sa Cagayan de Oro taliwala nga miguwa sa data sa Department of Health 10 nga may duha na ang nagpositibo sa syudad, kundiin ang usa niini, namatay sulod sa ospital sa Davao City ug ang usa naka-confine sa Ozamis City.
Sa gilusad nga COVID-19 Update sa syudad, gibutyag ni City Mayor Oscar Moreno nga namatay na ang 18 anyos nga lalaki nga may kanser human matakbuyan sa COVID-19 sulod sa Southern Philippines Medical Center o SPMC sa Davao City.
Subli, namugos si Moreno nga magpadayon ang inter agency task force (IATF) sa pagpugong sa ihap sa mga tawong maigo sa impeksyon.
Duha ka executive order ang gilagdaan ni Mayor Moreno ning adlawa.
Usa niini ang mandatory sa pagsul-ob sa facemask sa paggawas sa balay.
Apan gitin-aw sa Mayor nga dili garantiya nga makagawas na sa balay ang publiko kung may facemask tungod kay padayong gi-obserbahan sa syudad ang balaod sa ubos community quarantine.
