CAGAYAN DE ORO CITY – Balhog na sa Maharlika Detention Facility ang duha ka menor de edad ug 18 anyos nga lalaki nga gitudlong suspek sa pagpamusil sa Zone 5 Acacia Brgy Carmen, ning syudad.
Human gilusad ang man hunt operation, sikop ang usa ka alyas Budots, 14 anyos, alyas Jimbo, 16 ug alyas Chopper, 18 anyos.
Base sa report, si Chopper ang nanag-iya sa armas nga gigamit sa pagpamusil sa suspek nga si Alyas Alenor, kinsa padayong gipangita sa kapulisan human ang insidente, niadtong adlaw’ng Biyernes.
Pulos gihimakak sa mga nasikop nga may kalambigitan sila sa shooting incident nga gikaangol sa usa ka lalaking biktima.
Posibleng mag-atubang sa kasong frustrated murder ang 18 anyos nga si alyas Chopper.
