CAGAYAN DE ORO CITY-Mitala sa bag-ong record ang nationwide Dugong Bombo 2018 nga gihimo sa nagkadaiyang mga syudad sa nasud.
Kini human nakuhaan sa tres milyon,812-mil 400 ka CC sa dugo ang 8-mil 472 ka successful blood donors sa dungan nga Dugong Bombo project sa nasud kagahapong adlawa.
Nagpasabot kini nga anaa sa 3-mil 812 punto 40 ka litro sa dugo o mil-siete punto 13 ka US gallons o 18.31 ka US drums ang nakolekta sa Philippine Red Cross o PRC sa tinuig nga Dugong Bombo ning tuiga.
Miingon si PRC chairman Sen Richard Gordon nga nakab-ot ang kadaghan sa blood succesful donors tungod sa mga estasyon sa Bombo Radyo ug STAR FM stations diin gipangunayan pagdumala sa pamilyang Florete.
Nalipay pag-ayo si Gordon kay sulod sa 12 na ka tuig,padayon ang pagsaka sa ihap sa mga tawo nga nakuhaa’g dugo diin magamit sa katawhan nga nagkinahanglan niini.
Samtang dako na’g matabang alang sa mga pasyente ang na kolekta nga dugo gikan sa 761 ka successful blood donors nga mitubag sa Dugong Bombo.
Kini human libuang tawo ang midagsa sa kalihukan gikan sa nagkadaiyang sektor diin nagsuporta kagahapong adlawa.
Miingon si Dra Christina Marie Pelaez,blood center manager sa PRC-Misamis Oriental-CdeO chapter nga nalipay pag-ayo sila sa kalampusan sa Bombo Radyo nga mangulo sa blood letting project diin makahatag sa kaluwasan sa mga pasyente sa mga ospital sa rehiyon.
Dugtong niini,kinasingkasing gipasalamatan sa Bombo Radyo Philippines ang tanang sponsors,support groups ug mga indibidwal nga mihatag sa suporta aron molampos ang tinuig nga Dugong Bombo ning syudad.
