CAGAYAN DE ORO CITY-Pinusilan agi sa mga bala ug pagbunal sa mga ulo ang hinungdan kon nganong nangamatay ang 18 ka tawo nga ulahing nakuha sa retrieval teams sulod sa war zone sa Marawi City,Lanao del Sur.
Kini ang pahayag ni SOCO medico legal officer C/Insp Dr. Christian Caballes nga maoy nangulo sa pag-otopsiya sa mga patay’ng lawas sa mga biktima sa Brgy Tipanoy,Iligan City kaganihang buntag.
Matud ni Caballes nga walay babaye apan pulos lalaki ang mga bukog sa tawo nga nadala sa Iligan City.
Dili pa masuta kon ang mga biktima pulos sibilyan o sakop sa ISIS-Maute nga nakig-engkuwentro sa militar sa Marawi City.
