CAGAYAN DE ORO CITY – Luwas ra nakabalik sa ilang mga pinuy-anan ang 18 ka mga magtutudlo sa Pilgrim Christian College nga nadisgrasya samtang sakay sa school van aron unta mag-team building sa Misamis Oriental.
Miingon si Binuangan Police Station asst chief investigator Police Staff Sgt Ryan Nael nga padulong sa lungsod sa Medina ang mga biktima alang sa maong katuyuan sa dihang kalit nawad-an sa kontrol ang drayber sa van pag-abot sa highway sa Brgy Mabini,Binuangan hinungdan sa disgrasya.
Pagsaysay sa mga biktima nga mikawan ang usa sa mga ligid sa van rason nga nabalintong kini sa adlaw’ng Lunes sa hapon.
Hinoon,ginagmay’ng pangos ug bun-og lang ang nahiaguman sa mga biktima hinungdang walay na-admit kanila sa ospital.
