CAGAYAN DE ORO CITY – Gipa-ubos na sa 4th ID Philippine Army sa pagproseso isip benepisyaryo sa Enhanced Comprehensive and Local Integration Program kon E-CLIP ang 14 ka mga rebelde nga mitahan sa kampo sa 8IB Impasug-ong Bukidnon.
Gibutyag ni 1st Lt. Kenneth Cabbigat nga unang mitahan sa opisina ni Cabanglasan Municipal Mayor Reynante Inocando ang napulo ka miyembro sa Milisya ng Bayan ug upat ka regular New Peoples Army PA fighters. Bitbit sa mga mitahan nga rebelde ang tag-as nga kalibre sa armas ug usa ka granada.
Dugang lima ka mga miyembro sa NPA ang mitahan kagahapong adlawa, bitbit ang unom ka mga tag-as nga armas.
Nagdumili una ang 8IB sa paghatag sa mga identidad sa mga kanhi communist fighters nga mitahan sa ilang kampo aron maprotektahan ang ilang mga pamilya.
