CAGAYAN DE ORO CITY-Nagsaka na sa 191 ka teroristang Maute kuyog ang pipila ka sakop sa Abu Sayyaf Group sa 20 ka adlaw nang paggukod sa militar sa Maraw City, Lanao del Sur.

Kini sukad giatake sa mga terorista ang malinawon nga syudad sa Marawi niadtong Mayo 3 ning tuiga.

Matud ni Martial Law administrator Defense Sec Delfin Lorenzana nga nakuha usab sa militar ang 154 ka tag-as nga kalibre nga armas nga gigamit sa mga terorista sa kapin duha ka semana nga pag-atake.

Ngilngig usab nga gipatay ang 29 sa 36 ka sibilyan dihang naipit ang mga terorista sa ground ug aerial attacks nga gilusad sa govt forces.