CAGAYAN DE ORO CITY – Pakyas makabaton sa house rules and procedures ang 20th council sa unang regular session sa konseho ning syudad kagahapong adlawa.
Kini human miabot pa sa lima ka session recess ang nahitabo kay pulos nagdumili ang mayoriya ug minoriya pag-adaptar sa ilang gustong pakataran nga sundon.
Apan depensa ni City Council Pro-Tempore Kag Edgar Cabanlas nga gamay’ng kausaban lamang ang ilang gipatuman gikan sa 19th city council.
Bisan sa maong pag-esplikar naungot ang maong hisgutanan kay gitugtan ni City Vice Mayor Jocelyn ‘ Bebot’ Rodriguez ang tanang konsehal nga makahimo sa ilang pag-esplikar hinungdang naabtan sa gabii ang sesyon sa konseho.
Samtang dili ordinaryo apan namiligro ang liderato ni Rodriguez nga mahimong tawo-tawo sa gustong patakaran sa mayoriya sa konseho.
Kini ang rason nga gibabagan ug gusto sa minoriya nga masubay sa balaod ang sundon nga gabayan sa konseho.
Miingon si City Councilor Maverna Esparcia nga bakak ang gisulti sa mayoriya nga gamay’ng kausaban lamang sa house rules kay gihukasan nila sa pipila ka gahom ang bise-mayor ug mag-agad sa kagustuhan sa mayoriya.
