CAGAYAN DE ORO CITY – Gipaabot sa pamilyang Dormitorio pinaagi sa Bombo Radyo ang ilang pagkadismaya sa hinay nga pagkab-ot sa hustisya sa kamatayon ni late PMA 4th Class Darwin Dormitorio.
Kini samtang dumdumon sa pamilya ang unang tuig sa kamatayon ni Dormitorio diin responsable niini ang pipila ka PMA cadets sa Baguio City niadtong Setyembre 18,2019.
Gibutyag sa igsoon ni Darwin nga si Dexter Dormitorio nga nag tuig na lamang apan dili pa klaro ang ensaktong tubag sa tinud-anay nga nahitabo.
Gisaway usab sa pamilya ang paggamit sa mga akusado sa AFP aron dili mabalhin sa civilian regular jail.
Una nang gilugwaan sa commitment order sa korte sa kasong murder ug pagsupak sa anti-hazing law sa Baguio City sila ex-PMA cadets Julius Carlo Tadena,Felix Lumbag Jr ug Shalimar Imperial Jr.
Dugtong usab niini,may himoon nga simpleng pagdumdom ang pamilya pinaagi mismo sa haya ni Darwin diha sa Oro Gardens diin abli sa mga sakop sa media karong buntag
