Nasakmit sa tinun-an gikan sa Tanauan National High School sa Leyte sa Eastern Visayas Region ang pinakaunang gold medal sa natad sa athletics sa 65th Palarong Pambansa sa Ilocos Norte.
Kini human mitigbabaw ang ensakto ug balansi nga pag-atake ni Chrishia Mae Tajarros sa iyang giapilan nga 3,000 meters event aron siya ang ilhon nga gold medalist sa maong kategorya.
Si Chrishia kinsa grade 8 learner ang una nang nangandoy nga makuha ang medalyang bulawan sanglit nagsilbi na kining silver medalist sa mao gihapon nga kategorya sa 64th Palarong Pambansa nga gilusad sa Cebu City tuig 2024.
Hisayrang anaa sa 18 ka rehiyon ang nagtigi sa nagkadaiyang sports events sa national games sa Ilocos Norte sugod Mayo 25 hangtod 31 ning tuiga.
