CAGAYAN DE ORO CITY – Gisugdan na ning adlawa sa mga sakop sa Catholic Bishops Conference of the Philippines ang ilang 4-day religious retreat sa Transfiguracion Abbey sa Malaybalay City,Bukidnon.
Nagsilbi kining pinakauna sa kasaysayan sa CBCP nga mituyog tabok ang mga obispo gikan Luzon ug Visayas aron ikauban ang mga obispo nga daan nang nakabase sa Mindanao.
Kini human buksi pinaagi sa santos nga misa ang CBCP retreat sa San Isidro Labrador Catheral sa Malaybalay City diin gitambungan sa mga arsobispo nga gikan sa nagkadaiyang bahin sa nasud kagabii.
Mismo si Malaybalay City Most Rev. Bishop Noel Pedregosa,D.D ang nag-officiate sa misa agi’g mainiton nga pagdawat usab sa CBCP bishops.
Sa mubo nga homiliya sa obispo,kini mi-sentro sa misyon nga puno sa hagit alang sa mga alagad sa simbahan samtang gisubay ang kasuguan sa langitnong-Amahan.
Gipadumdum usab niini nga aron makab-obt ang kasuguan ni Kristo sa kalibutan,angayang pokus ang mga alagad sa simbahan sa tahas gamit ang selibasiya,kaputli,masinugtanon ug andam moharong sa gumunhab sa kalisod nga gisinati sa kasamtangang panahon.
