CAGAYAN DE ORO CITY – Epektibo na karong adlawa ang unang tranche sa usbaw sa suhulan alang sa tanang katergya sa trabahante nga nakabase dinhi sa rehiyon.
Kini human unang gi-aprobahan sa DOLE 10 pinaagi sa RTWPB 10 ang 25 pesos nga dugang kinitaan sa mga mamumu-o ning tuiga.
Gibutyag ni RTWPB 10 Board Secretary Verjel Walag nga sukad nila gipagawas ang aprobado nga usbaw,wala na sila’y nadawatan nga abiso gikan sa ilang kadakugan nga masibog pa kini.
Siya miingon nga libuang trabahante ang gitakdang maka-benepisyo sa unang hugna sa usbaw sa inadlaw nga suhulan.
Mo-epekto usab ang 2nd tranche sa suhulan sa rehiyon sa Disyembre 16 ning tuiga.
Samtang gipahimanguan ni Walag ang employers nga dili magpakasayop sa pagsunod sa wage increase alang sa ilang mga empleyado sa Norther Mindanao sugod ning adlawa.
Kini tungod kay mohimo sila’g monitoring kon ensakto ba ang pagpatuman sa mga negosyante niini nga kamanduan.
Gibutyag ni Walag nga bisan kon moduso’g exemption ang pipila ka employers apan angayang unahon nila ang pagsunod sa maong kamanduan kay wala pa’y siguro kon aprobahan sa DOLE ang ilang apelar gamit ang ilang nagakdaiyang lain-laing mga rason.
