CAGAYAN DE ORO CITY – Napasaka na ang kasong pagbaligya’g ilegal nga droga batok sa magsoong Gregor ug Von Clienton Tagarda sa piskalya ning syudad.
Kini human unang nasikop sa PDEA-10 operatives ang magsoon tungod sa nakuha nga suspected shabu balor sa 170-mil pesos sa search warrant operations sa ilang pinuy-anan sa Gummamela Extension,Brgy Carmen sa dakbayan.
Miingon si PDEA regional director Willkins Villanueva nga ang pagkasikop sa duruha ang resulta sa taas nga surviellance subay sa gisubmitar nga listahan sa brgy drug abuse council o BADAC sa miaging katuigan.
Una niini,mismo si Von Clienton ang mitumbok kang Gregor nga tiggamitan ug gabaligya’g ilegal nga droga sa taas na nga panahon sa ilang lugar.
Samtang pursigido si Villanueva nga kasuhan sa section 27 sa Dangereos Drugs Act of 2002 si Tagarda.
Kini tungod sa pagduda ni Villanueva nga protector ang jail warden ngadto sa iyang duha ka anak nga giingong nalambigit sa pagpamaligya’g ilegal nga droga sa syudad.Miingon si Villanueva nga dili na malangan ang ilang himoong pag-imbestigar kang Tagarda aron pamatud-an ang pagduda nga nagpasagad kini sa iyang pagka-jail warden batok sa illegal nga droga.
